20 يونيو 2015

كوب وراء كوب .. لنبني أمتع برج!

Zeina Alazem | 00:23 |
من كثر ما لي متحمسة لهالنشاط طالع ع بالي احكي عنه لكل وحدة بشوفها بالطريق ^_^

هو لعبة ونشاط وتلوين وكل شيء! فيه تركيز وتحكم وتحدي وبناء أشكال ومرح وضحك! 

نشاط بناء أبراج من الأكواب للأطفال - تفنن


رأسماله كاسات بلاستيك ملونة أو شفافة، أوراق مستطيلة ملونة أو بيضاء وبيبدأ البناء: البرج ممكن يكون بأي شكل، كاسة وحدة أو اثنين أو ثلاثة بكل طابق، مقلوبين أو لا، بينهم أوراق أو بلاهم.

{أفكار للتحديات}

التحدي حسب العمر وطبعاً برج أطول يعني تحدي أصعب. تحدي مين يبني برج كاسات أعلى ومين بيوقع برجه قبل الثاني؟ مين بيحمله وبيمشي فيه بدون ما يوقع؟ الورقة صينية ومين فيه يضيفنا شاي بدون ما يوقعوا الكاسات؟ بنينا البرج على كرسي والتحدي كان مين بمر تحت الكرسي وبضل البرج واقف وصامد ويا كاسات ما يهزكم ريح (الصورة 1) .

نحنا وعم نبني برج كاساتنا تجي فراشتي توقعهم قصداً وأنا ولول وهي تفرط من الضحك وترجع تبنيه، بحبوا الفاينة مو بإيدهم! بعدين جبنا ألعاب بلاستيك صغيرة ليسكنوا بالبرج (الصورة 3)، وآخر الشي فتحنا ورشة تلوين كاسات (الصورة 2) وانعجبت بنتي بشغلها وقالتلي "I'm a painter". 

أفكار إضافية في نشاط الأكواب مع الأطفال


التعليقات